Lumaktaw sa pangunahing content

 Tatlong guhit



Sa tatlong guhit lamang aking sisimulan

Ang obra maestra na aking pinagmulan

Sa kulay ay bigong matutuklasan

Ang hiwaga ng tunay na nararamdaman


Sa tatlong guhit lamang aking bubuoin

Ang mukha ng bagsik ng mundong kay sakim

Na kahit kulayan ay sadyang magdidilim

Sa uhaw na kulay ay may kagat ng talim


Sa tatlong guhit ko lang ito malalaman

Ang tanong na kay hirap mapagliming sagutan

Saan bang bahagi  aking matatagpuan

Ang lugar ng tunay na kaligayahan?


Sa tatlong guhit pala ay may pagkasawi

Sa kulungang ang rehas ay pamimighati

May pusong matigas sa pagkukunwari

Kung bahagyang tatakas ay lalong kukubli


Sa tatlong guhit na rin ako magmamahal

Ngunit sa panahong walang makaaalam

Maigting ang pisi sa puso ng lalang

Sa takot na hidwa ang kahihinatnan


Sa tatlong guhit ako madalas tumingin

Sa malayang saya at kislap ng bituin

Sa apat na sulok ay makatlong isipin

Mahirap magbasa kung mahirap unawain


Sa tatlong guhit lamang muling magbabalik

Ang wagas na pag-asa sa hangganan ng sakit

Sa dakong malaya ang di ko maisip

May katotohanan ang isang panaginip


Sa tatlong guhit lamang aking matutunghayan

Ang sandata na aking makakapitan

Ang matuwid ay liko sa likong isipan

Ang tama ay mali sa maling paninindigan


Sa tatlong guhit pala ay walang tahimik

Sa puso'y may kaba, may ligalig ang isip

Magpumiglas ka man bigla ay lalong  hihigpit

Ang lubid ng luhang natighaw ng sakit


Darating nga kaya ang aking pagkakamit

Sa laya at saya sa mata ng daigdig?

Sa imahen ng obra na muli kong iguguhit

Sa tatlong guhit lamang iyong masisilip.


Mga Komento

Mag-post ng isang Komento

Mga sikat na post sa blog na ito

Ang Sining ng Pagtula

Kayraming manunulat sa tula ay nagturan Upang bawat tao sila ay malinawan Subalit sa kabila ng kanilang binitawan Silay bigo pa rin sa mga batayan At halos lahat ng kanilang mga pagpapakahulugan Ay naaayon lamang sa kanilang kaisipan Kaisipang kung paano naging makabuluhan, Nadama at nalikha itong akdang pampanitikan Ayon kay Balmaceda, ang tula’y isang kaisipan Naglalarawan sa ganda, kariktan, at kadakilaan Tatlong bagay na kailangang ito ay mapagtuunan Upang pagtawag sa tula’y maangkin ang karapatan Ang pagtula’y sinasabing isa ring panggagagad Sa pagguhit ,paglililok at pagtatanghal ay nakakatulad Kasangkapa’y mga salitang siyang magiging alagad Sa kabilang daigdig na ang buhay ay sariling pangarap. Ayon pa sa nagturan, ang tula ay panawagan Ng puso at damdaming nakakubli sa karimlan At tanging ang tula ang may kakayahan Na makapagpahayag ng mga nilalaman Walang katapusang pagbibigay ng mga katuturan Sa sinumang nakadarama nitong kagandahan Sa pagkakadib...
Mag-post ng isang Komento
Magbasa nang higit pa

Ang Tradisyong Pabigkas

Bago pa man dumating ang mga Kastila Yaman ng Panitika’y taglay na nitong bansa Isa nga sa kayamana’y tinatawag na tula May sa anyong pasulat at pasalin-dila Ating bibigyang-pansin ay isang anyo lamang Sa paghahasik ng karunungan, ito ang unang paraan Dahil ang lapis at papel noong nakaraan Ay hindi pa kilala sa balat ng lipunan Kilala nga itong bansa  sa pagkakaroon ng mga makata Na kung saan kahit musmos ay marunong tumula Dahil sa mga Ninuno na siyang humubog at humasa Kung kaya’y produkto ngayon,hindi mabilang na mga akda Itong tradisyong pabigkas nakilala sa kapuluan Sa unang Tulang Tagalog, noong kapanahunan Nahati nga ito sa dalawang katawagan At ito ay patugma at kantahing-bayan. Binubuo ng dalawa  o apat na taludtod Magkaminsan ay may sukat ang dulo’y magkasintunog At ito’y inihalintulad sa mga kasabihan Tinatawag nga sa wikang Ingles na, “Mother Goose Rhymes” Sa paglilibang ng mga paslit sinasabing ito’y nag-ugat Mga salitang tugma-tugma n...
Mag-post ng isang Komento
Magbasa nang higit pa

LARO

(Piyesang nagwagi sa isang patimpalak ng talumpati sa anyong panulaan) Isang araw noon, ako’y  ginulantang Nang isang balitang ‘di ko inaasahan Ang lugar kung saan ako nananahan Binulabog ng isang malagim na digmaan Ramdam ko ang takot sa kinatatayuan ko At wari ang lahat,sa isip ko’y gulong-gulo May takot na  baka ang mahal na ina ko Biktima ng karahasang nangyari sa nayon ko Pinilit kong akoy magtungo sa amin Upang aking malaman ang sinapit nya mandin Garalgal kong iginayak, ang lahat sa akin Upang aking malunasan ang kaba sa damdamin Tatlong hakbang  na lang mula sa’king kinatatayuan At sasapitin ko na ang bukas naming pintuan Subalit sa paglapit ay aking nasilayan Ang Ina kong malamig na, ang buong katawan Inay!gumising ka,anong nangyari sayo Sinong gumawa nito,saken ay sabihin mo Di ba sabi mo sakin masaya ka pagbalik ko Pero bakit kay lungkot iniwan mo na ako Anong dahilan nila bakit kayo pinatay Sa dinami-rami ng tao, kayo pa ang idinama...
Mag-post ng isang Komento
Magbasa nang higit pa